<3   DIL   DHADAKNE   DO    <3                             ==================

Awarapan banjarapan, ek hala hai seene mein

hardam harpal bechaini hai, kaun bhala hai seene mein

dil jis cheez ko haan kehta hai, zehen usi ko kehta hai na

ishq mein uff! yeh khud hi se ladna ek saza hai seene mein

khanjar se haathon pe lakeerein koi bhala kya likh paya

humne magar ik pagalpan mein khud ko chhala hai seene mein

is dharti par jis pal suraj roz savere ugta hai

apne liye to theek usi pal roz dhala hai seene mein

jane yeh kaisi aag lagi hai, isme dhuan na chingari

ho na hi us paar kahin koi khwaab jala hai seene mein

jis raste par tapta suraj sari raat nahi dhalta

ishq ki aisi raah guzar ko humne chuna hai seene mein

kahan kisi ke liye hai mumkin, sab ke liye ik sa hona

thoda sa dil mera bura hai, thoda bhala hai seene mein